🎶🎬 CONCERTO DE BANDAS SONORAS DE PELÍCULAS. Data e lugar de celebración

O Patio, Seixalbo

Venres, 11 de setembro ás 22:00 horas.

Xa sabiamos que atopar un espazo reservado e íntimo para facer o concerto non sería doado, e así foi. Polo tanto, pensamos que o mellor sería facelo no patio da miña casa, en Seixalbo, nun ambiente sinxelo, próximo e acolledor, que nos permita gozar da música dun xeito diferente e especial.

Os que queirades acompañarme ese día e non saibades chegar ata aquí, podedes contactar comigo en privado e indicareivos a localización. Estarei encantado de compartir convosco este momento tan especial e de que poidamos vivir xuntos unha noite na que a música será a verdadeira protagonista.

Xa sabedes que non fago invitacións persoais, pois, como xa dixen, non quero que ninguén se sinta obrigado a vir nin que a súa asistencia supoña ningún compromiso. Aínda que o espazo non é amplo, contamos con cadeiras para que poidades estar cómodos durante o concerto. Será un encontro íntimo, pensado para gozar da música con calma e compartir, entre amigos e persoas próximas, unha noite que agardo que quede na memoria de todos.