🎶🎬 CONCERTO DE BANDAS SONORAS DE PELÍCULAS.Todo preparado para a celebración do concerto.
Segundo as previsións meteorolóxicas, o venres, 11 de setembro, teremos boas condicións para a celebración do concerto, polo que mantemos todo o programado ata agora. Agardamos, así, poder gozar dunha noite especial na que a música e o cinema serán os grandes protagonistas.
O concerto celebrarase ao aire libre, no Patio, en Seixalbo, a partir das 22:00 horas, e estará dedicado integramente á interpretación de bandas sonoras de películas. Será unha ocasión para reencontrarnos coa música de grandes producións cinematográficas e revivir, a través das súas melodías, escenas, historias e emocións que forman parte da nosa memoria.
Como xa anunciamos con anterioridade, as persoas que queirades acompañarme e non saibades como chegar ata aquí podedes contactar comigo en privado e indicareivos a localización.
Aínda que o espazo non é amplo, contamos con cadeiras para que poidades estar cómodos durante o concerto. A nosa intención é que todas as persoas que nos acompañen poidan gozar da actuación con tranquilidade e nun ambiente próximo e acolledor.
Para aqueles que queirades coñecer con antelación o repertorio que interpretaremos, poñemos á vosa disposición un documento en formato PDF no que se recollen as obras que forman parte do concerto. Nel poderedes atopar información que vos permitirá ter unha referencia das diferentes pezas mentres as escoitades e, deste xeito, seguir con maior facilidade o desenvolvemento da actuación.
Podedes descargar o documento en PDF neste mesmo espazo e consultar o repertorio antes ou durante o concerto.
Todo está preparado. Agora só queda que a música faga o resto e que poidamos compartir xuntos unha noite na que as bandas sonoras, o cinema e a música en directo se dean a man baixo o ceo de Seixalbo.
Vémonos o venres, 11 de setembro, ás 22:00 horas, no Patio.
Comentarios