🎬 CONCERTO DE BANDAS SONORAS DE PELÍCULAS 🎬

Seguimos a traballar con ilusión na preparación do concerto e, a día de hoxe, xa estamos en disposición de dar a coñecer as obras que formarán parte da segunda sección do programa.

Como ben sabedes, decidimos estruturar o concerto en tres partes, cunha selección de bandas sonoras que nos permitirá percorrer diferentes épocas, estilos e emocións a través da música do cinema.

Tamén quero lembrar, unha vez máis, que todas as obras serán interpretadas integramente en directo.

Nun momento no que as novas tecnoloxías e a intelixencia artificial están cada vez máis presentes no mundo da música, para nós é especialmente importante ofrecer unha experiencia auténtica, na que cada nota, cada matiz e cada emoción xurdan no mesmo instante da interpretación.

Porque a música en directo ten algo que ningunha tecnoloxía pode substituír: a emoción irrepetible de compartir un momento único cos presentes.

Moi pronto compartiremos con vós o repertorio completo do programa. 🎶🎬